بعض الأسئلة بخصوص دواء اسيتا والأمراض النفسية


لو سمحت يا دكتور انا بتعالج بقالي سنة ونص مخ واعصاب وكنت باخد اسيتا طبعا في الأول كان امبيريد وزولام وبعد كده بقيت بااخد اسيتا المهم الحمدلله ربنا شفاني والمفروض يكون اخر مرة اخد فيها العلاج من شهر 2 وابقى خلصت كده فترة علاجي بس انا حسيت بتعب ففضلت اخد اسيتا لحد شهر 3 الشهر ده حالياً وبعدين بدأت اتحسن الحمدلله فوقفت العلاج من اسبوعين تقريباً بس بقيت بتعب نفسياً واقعد اعيط لوحدي كتير وعلى سبب تافه ورجعت تاني نوعا ما اني اكره الناس اللي كنت بكرههم قبل ما اتعالج مع العلم في فترة العلاج الحمدلله بقيت بحب كل الناس ومش بكره حد والله كرهي للناس مش من نفسي كده بس بسبب حاجات كتير زعلوا امى فيها فعشان كده بكرههم بس الحمدلله شوية كويسة وشوية يعني بس تعبي بسيط خالص دلوقتي.

هل انا بقى ارجع اخد العلاج تاني ولا انتظر شوية وربنا يصلح الحال واخف الله يرضى عليك يادكتور جاوبني.


الإجابة:
اسيتا Escita أقراص يحتوي على مادة اسيتالوبرام والتي تستخدم لعلاج الاكتئاب والقلق. وهذا ما كنت تعانيه في الفترة السابقة والحمد لله بدأ العلاج يعطي مفعوله وتحسنت حالتك.

ولكن الخوف من الرجوع الى حالتك السابقة هو سبب تعبك الفترة الحالية، وأنصحك بعدم العودة الى العلاج مرة أخرى ولكن بعض من العزيمة والإختلاط بالناس وإعطاء الجميع من حولك فرصة أخرى لإثبات أنهم جديرين بالثقة والمحبة.

وعليك بتغيير المناخ المحيط بكِ ومحاولة قضاء بعض الوقت مع أناس تحبينهم. وأولاً وأخيراً العزيمة والقرب من الله. شافاك الله وعافاك ورزقك الطمانينة والفرحة.