شاب بعمر عشرون عاما يشعر برعشة في أطرافة وأعضائه


انا شاب عندي 20 سنه حصلي stress تقريبا من سنتين ومن ساعتها وانا معايه ارتعاش ايدي بتتهز كتير او رجلي او حتى لما ابتسم جامد بحس ان وشي بيهتز. انا بدرس طب اسنان في المشكله دي هتاثر عليه جامد. انا رحت لدكتور اعصاب وقالي بسبب ضغط عصبي جامد يعني الموضوع نفسي. و كتبلي على حقنه كل اسبوع من vitamin B12. ودوايين واحد مقوي للاعصاب فيتامين B6 & B12. والدواء التاني اسمو Seroxat cr الدواء ده قريت الروشته بتاعته ملقيتش فيه انه بيعالج الرعشة. ده من ال side effect بتاعه بيعمل رعشه. انا بقالي يومين ماشي على العلاج ده بس حاسس الرعشه زادت ممكن يكون الموضوع نفسي بس حابب اتاكد، اه الدكتور معملش ليه اي تحاليل هو بس كشف عليه. العلاج ده كده مزبوط ؟ وعايز اعرف ايه علاقه الادويه الي باخدها بالرعشه الي عندي (Vitamin B12 انا عارفه) يعني دواء seroxat cr عايز افهم بيعمل ايه وايه دورو في تحسين حالتي، وشكراً.


الإجابة:
أتجه الطبيب المعالج فى تشخيصة لنقص فيتامين ب12 وكذلك بعض التوتر والإكتئاب ولذلك وصف لك فيتامين ب12 وكذلك وصف لك ثيروكسات seroxat لعلاج حالة التوتر والإكتئاب التى رأها عندك على أساس تشخيصة هو. ولكن هل قمت بعمل ريم مخ. هل قمت بإجراء تحاليل وخاصة صورة الدم ونسبة الكالسيوم بالجسم ومعدل الإلتهاب ونسبة اليوريك أسيد وكذلك معدل الروماتيود بالجسم. أرجوا منك التوجة لأخصائي يقوم بالتشخيص بعد إجراء التحاليل المطلوبة وعدم أخذ الأمر جزافي بكتابة الروشتة مباشرة بمبدأ “هو ونصيبة”.